सिरहा १८ आश्विन / सिरहाको लक्ष्मीपुर पतारी गाउँपालिका, पोखरभिन्डा, पर्सा लगायत मधेश प्रदेशका विभिन्न जिल्लाहरूमा शनिबार बिहान चट्याङ, तेज हावाहुरी र पानीले जनजीवन प्रभावित भएको छ।
शुक्रबार दिउँसो करिब ३ बजेपछि मौसममा अचानक आएको परिवर्तनसँगै कडा हावासहित भारी वर्षा र चट्याङ परेको स्थानीय बासिन्दाहरूले बताएका छन्। एक्कासी आएको खराब मौसमका कारण ग्रामीण क्षेत्रमा त्रासको वातावरण सिर्जना भएको छ।
हावाहुरीका कारण कयौं स्थानमा रूख ढलेका छन् भने कतिपय घरका टिनको छाना उडेको समाचार प्राप्त भएको छ। बिजुली आपूर्ति समेत अवरुद्ध भएको जनाइएको छ।
कृषकहरूलाई विशेष असर परेको छ, किनभने खेतमा पाक्न लागेको धानबालीमा क्षतिको सम्भावना देखिएको छ।
स्थानीय प्रशासन र विपद् व्यवस्थापन समितिहरूले सतर्कता अपनाउँदै सर्वसाधारणलाई सुरक्षित स्थानमा रहन आग्रह गरेका छन्। मौसम विभागका अनुसार आगामी केही घण्टा यस्तै वर्षा र चट्याङको सम्भावना रहेकोले सतर्क रहनु उपयुक्त हुने बताइएको छ।
प्रतिक्रिया
सम्बन्धित खवर
