सिरहा, लक्ष्मीपुर पतारी – आज लक्ष्मीपुर पतारी गाउँपालिका वडा नं ५ स्थित खरुकियाहि मा जनता सङ्ग जसपा नेपालको संगठन सुदृढ अभियान कार्यक्रम सम्पन्न भएको छ। यस कार्यक्रममा केन्द्रीय अभियन्ता सांसद राजकुमार गुप्ता, प्रदेश अभियन्ता किशोरी यादव, स वि यु प्रदेश उपाध्यक्ष चन्द्रशेखर यादव लगायतका नेता तथा कार्यकर्ताहरूको उपस्थिति उल्लेखनीय थियो।
कार्यक्रमको शुरुआतमा सांसद राजकुमार गुप्ताले जसपा नेपालको दृष्टिकोण र संगठनका उद्देश्यहरूप्रति उपस्थित जनतालाई जानकारी गराउँदै संगठनलाई सुदृढ गर्नका लागि सबैको सक्रिय सहभागिता आवश्यक रहेको बताएका थिए। उनले भने, “हामीले गाउँका समस्या र चुनौतीहरूलाई सँगै समाधान गर्नका लागि सबैको एकता र सहकार्यमा जोड दिनुपर्छ।”
प्रदेश उपाध्यक्ष चन्द्रशेखर यादवले संगठनको सुदृढीकरणका लागि जनताको सुझाव र सक्रियता महत्त्वपूर्ण रहेकोमा जोड दिए। उनले स्थानीय समस्याहरूको समाधानका लागि जसपा नेपालले सदैव प्रयास गर्ने प्रतिबद्धता व्यक्त गरे।
कार्यक्रममा विभिन्न विषयमा चर्चा गर्दै उपस्थित नेताहरूले संगठनका गतिविधिहरूको अवलोकन गर्दै जनतालाई विकासका लागि आवश्यक जानकारी प्रदान गरे। साथै, जनताको सुझाव लिई आगामी योजनामा समावेश गर्ने वचन पनि दिएका थिए।
कार्यक्रमले स्थानीयस्तरमा जसपा नेपालको प्रभाव र पहुँचलाई थप सुदृढ बनाउन महत्त्वपूर्ण भूमिका खेल्ने अपेक्षा गरिएको छ। जसपा नेपालका कार्यकर्ताहरूले यस अभियानमार्फत पार्टीको सन्देश र कार्यप्रणालीलाई गाउँगाउँमा फैलाउने उद्देश्य राखेका छन्।
सदस्यता र संगठन सुदृढीकरणका लागि चलाएको यो अभियानले भविष्यमा जसपा नेपाललाई अझ बलियो बनाउने विश्वास व्यक्त गरिएको छ।
प्रतिक्रिया
सम्बन्धित खवर
