दिल्ली सरकारका मन्त्री आतिशी कालकाजी सिटका विधायक हुन् । अतिशी दिल्ली सरकारमा शिक्षा, उच्च शिक्षा, टीटीई वित्त, योजना, पीडब्ल्यूड, जल, विद्युत्, सेवा, सतर्कता, जनसम्पर्क मन्त्री छिन् ।

राजीनामाको घोषणा गर्नुअघि नै केजरीवालले अतिशीको नाम उल्लेख गरेका थिए । आतिशीको साथमा सौरभ भारद्वाजको पनि चर्चा भइरहेको छ । उनी दिल्लीको ग्रेटर कैलाश सिटका विधायक हुन् ।

सौरभ दिल्ली सरकारमा स्वास्थ्य, सहरी विकास र पर्यटन मन्त्री छन् । उनी पार्टीको राष्ट्रिय प्रवक्ता पनि हुन् । यसबाहेक दिल्ली सरकारका मन्त्री गोपाल राईको नाम पनि चर्चामा छ ।

त्यस्तै कैलाश गहलोतको नाम पनि मुख्यमन्त्री पदको दौडमा सुनिएको छ । यसमा आपका विधायक कुलदीप कुमार, मुख्यमन्त्री केजरीवालकी धर्मपत्नी सुनिता केजरीवालको नाम पनि आउन सक्ने अड्कलबाजी भइरहेको छ ।